УПАТСТВО – БЕЗБЕДНО НА ПЛАНИНА ВО ЛЕТО

За безбеден престој на планина треба да се почитуваат одредени правила. Во продолжение прочитајте важни напомени за посетителите на планините.

ПЛАНИРАЈ И СООПШТИ
• Пред тргнување на планина кажете некому каде ќе одите и кога планирате да се вратите.
• Информирајте ги луѓето во планинските домови и хотели патем каде ќе одите и кога планирате да се вратите.
• Планирањето на турата е безбедно планинарење. Планинарењето без план е опасно. Прилагодете ја турата според учесниците.
• Проверете ја временската прогноза ( https://uhmr.gov.mk/ )
• Најдете топографска карта од регионот и вцртајте ја патеката по која ќе се движите.
• Користите апликации со патеки на Вашиот мобилен телефон само како помош, а не како главно средство за движење.
• На планина тргнете наутро. Попладне има можности за појава на невреме.
• Отпадоците од храна и пијалоци вратете ги дома и рециклирајте ги.
• Засолништата на планина се прават за преживување, а не за забава.
————————————————————————————————

ОПРЕМА
На планина одите со полувисоки или високи планинарски чевли со квалитетен ѓон. Сандалите, спортските патики и другите лесни обувки може да предизвикаат проблеми. Најчеста причина за несреќа на планина е излизгувањето, а тоа се случува поради несоодветни обувки, неискуство, умор!
На планина се тргнува со ранец во кого има задолжителна планинарска опрема, независно дали турата е планинарска, тркачка или велосипедска:
• Личен комплет за Прва помош.
• Челна светилка и резервни батерии.
• Алуминиумска фолија или голема црна вреќа или бивак вреќа (за топлинска заштита во случај на несреќа или непланирано бивакување).
• Мобилен телефон со полна батерија (исклучете ја функцијата „Пренос на податоци“).
• Планинска топографска карта и компас. По можност и ГПС уред.
• „Железна резерва“ (храна која има високоенергетска вредност, долготрајност, мала тежина).
• Доволно количество течности (безалкохолни изотонични пијалоци).
Не заборавајте заштита од сонце, ветер, студ (топла облека, ракавици и капа). На планина се случува да заврне снег и на лето и да се спуштат температурите под нулата.
ВАЖНО! Треба да знаете да ја употребувате планинарската опрема што ја носите.
————————————————————————————————

ПЛАНИНАРСКИ ПАТЕКИ
Планинските патеки најчесто се означени со црвено бели ознаки и со патокази.
Не продолжувајте ако не можете да ја најдете следната ознака. Вратете се назад до последната ознака и внимателно побарајте ја следната.

НЕ ПЛАНИНАРИТЕ ПО БЕСПАТЈА!

НЕ ПРОДОЛЖУВАЈТЕ ДА СЕ ДВИЖИТЕ ПО НЕПОЗНАТ ТЕРЕН!
————————————————————————————————

АКО СЕ СЛУЧИ НЕСРЕЌА
Во случај на несреќа, веднаш побарајте го бројот 112 – Центар за управување со кризи.
Известете ги КОЈ бара, КАДЕ се случила несреќата, КОГА се случила несреќата, КОЛКУМИНА се повредени, КАКВИ се повредите, КАКВА помош ви е потребна.
ВАЖНО!
• Останете присебни и мирни. Со тоа се смируваат и учесниците во турата. Оценете ја ситуацијата и заштитете се себе и учесниците од непосредни опасности.
• Понудите прва помош согласно своето знаење и способност.
• Очекувајте помошта да стигне за неколку часа, бидејќи спасувачката служба доаѓа со тешка опрема, а лошото време и ветерот не дозволуваат полетување на хеликоптерот. Редовно освежувајте го знаењето од Прва помош и секогаш носете задолжителна планинарска опрема!
Алкохол и цигари не носете на планина!