На 11-ти, јануари 2025 г. на Попова Шапка (Шарпланина) се одржа Турно Ски натпревар во организација на ФПСМ и Планинарскиот спортски клуб „Кораб“ од Скопје. Во програмата беа предвидени 2 натпревари и тоа категорија Турно ски поединечно и категорија Спринт, но поради најавената промена на временските услови со интензивни снежни врнежи, а со цел за непречено и безбедно одвивање на овие натпревари беше направена измена во програмата.
Натпреварот во категоријата Турно ски поединечно беше поместена од 12 за 11-ти јануари, а натпреварот во Спринт е откажан и поместен за 2 недели. Со оглед на тоа дека овие натпревари се особно тешки и скапи за организирање, а и од аспект на тоа дека натпреварите се одвиваат надвор од претходно подготвени скијачки терени, потребно беше големо ангажирање од страна на организаторите на натпреварот како и учество на голем број на волонтери од ФПСМ и подржувачи на овој натпревар. Особена благодарност до компанијата Shar Outdoors (за обезбедена техничка подршка на натпреварот со ратраци и дополнителна техничка опрема, Хотел Скардус за отстапените простории во Хотелот, Националниот парк Шарпланина и Спасителната служба Асклепиј од Скопје.
Натпреварот се одржа во услови на релативно мирно време со слаби врнежи од снег во долниот дел на патеката, додека во делот од патеката кон завршетокот на жичницата веќе имаше континуиран слаб ветер кој значително ја намали температурата на воздухот. Патеката беше одлично означена така што и покрај слабата видливост поради ниската облачност, не беше проблем за натпреварувачите да ги следат ознаките на истата. За жал поради промената на терминот за натпреварите дел од пријавените натпреварувачи во категоријата Турно поединечно го откажаа своето учество. Се на се ова е втор турно натпревар кој се организира од страна на ФПСМ и сме на самиот почеток во кој се соочуваме со вистински предизвици кои се надеваме со помош на нашите подржувачи, волонтери и сите заинтересирани ќе ги надминуваме и од натпревар во натпревар бројноста на натпреварувачите како и квалитетот на натпреварите ќе биде се поголем.
Уште еднаш организаторите на Турно Ски Купот на Македонија се заблагодаруваат до сите подржувачи и волонтери кои помогнаа овај натпревар да биде успешен, и пред се безбеден за сите натпреварувачи.
Резултати во категоријата Турно поединечно:
Жени
1. Симона Трајковска – Х2О – Скопје – 2:21:30
2. Uta Ibrahimi – Х2О – Скопје – 2:38:20
3. Елена Цицковска – Азимут – Србија – 2:41:49
2. Uta Ibrahimi – Х2О – Скопје – 2:38:20
3. Елена Цицковска – Азимут – Србија – 2:41:49
Мажи:
1. Edis Krusha – E-19 – 1:28:47
2. Кристијан Арсовски – Трекс – Скопје – 1:29:52
3. Мартин Котевски – Кораб – Скопје – 1:49:59
2. Кристијан Арсовски – Трекс – Скопје – 1:29:52
3. Мартин Котевски – Кораб – Скопје – 1:49:59
Автор на фотографиите Борјан Јованоски
Следниот натпревар од Турно купот на Македонија ќе се одржи во Националниот парк Пелистер во Март месец. Дополнително ќе се утврди точниот термин за натпреварите.
